Ghame sheh mein
Noha Lyrics & Urdu Writeup on General recited by Tableegh e Imamia
غم شہ میں جو آنکھوں سے رواں ہے
وہ آنسوں قیمت باغ جناں ہے
مقدر ہم بنا لیتے ہیں جس سے
کسی کے پاس وہ نسخہ کہاں ہے
غم شہ میں جو۔۔۔
بغیر الفت آل محمد
عمل کیا زندگی بھی رایگاں ہے
غم شہ میں جو۔۔۔
جسے کعبہ کہا کرتی ہے دنیا
ابو طالب کے بیٹے کا مکاں ہے
غم شہ میں جو۔۔۔
سزاے موت دی باطل کو جس نے
وہ ایک چھ ماہ کا قانون داں ہے
غم شہ میں جو۔۔۔
جو حر زندہ رہا حیران کیوں ہو
در شہ پر کوئی مرتا کہاں ہے
غم شہ میں جو۔۔۔
اذاں گونجی علی اکبر کی رن میں
صدا پر سوز ہے لہجہ جواں ہے
غم شہ میں جو۔۔۔
جو ہے منصوب اکبر سے جہاں میں
نمازوں کی محافظ وہ اذاں ہے
غم شہ میں جو۔۔۔
علی اکبر کا یہ صدقہ ہے گوہر
خدا کا دین جو اب تک جواں ہے
غم شہ میں جو۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.