Azan ki kokh ujdi
Noha Lyrics & Urdu Writeup on Hazrat Ali Akbar (a.s) recited by Tableegh e Imamia
اذاں کی کوکھ اجڑی ماں کو جب آواز آتی ہے
تو ہر تکبیر پر لیلیٰ پچھاڑیں غم سے کھاتی ہے
نکل جائے گا سینہ توڑ کر جیسے ابھی باہر
کلیجہ اپنا ماں ہاتھوں سے کچھ ایسے دباتی ہے
اذاں کی کوکھ اجڑی۔۔۔
کسی نے پوچھا جب احوال لیلیٰ سے تو یوں بولی
پسر مر جائے جاے جس ماں کا وہ کب آرام پاتی ہے
اذاں کی کوکھ اجڑی۔۔۔
چھٹے کڑیل جواں جس ماں سے اور شوہر بھی مر جاۓ
وہ بیوہ ہر نفس اپنی قضا کو ہی بلاتی ہے
اذاں کی کوکھ اجڑی۔۔۔
بلالو پاس اپنے ماں کو یہ جینا بھی جینا ہے
تمہاری یاد ہر لمحہ ہمیں آ کر ستاتی ہے
اذاں کی کوکھ اجڑی۔۔۔
جواں بیٹے کی ماں سے پوچھو کتنی ہوتی ہے چاہت
تصور میں نہ جانے کیا کیا وہ ارمان سجاتی ہے
اذاں کی کوکھ اجڑی۔۔۔
کوی بچے کہیں روتا تڑپ کر کہتی تھی بانو
میرے اصغر کے رونے کی سنو آواز آتی ہے
اذاں کی کوکھ اجڑی۔۔۔
دعا دیتی ہے زہرا آ کے جنت سے انیس ان کو
کہ ان کو نوحہ و ماتم میں وہ مشغول پاتی ہے
اذاں کی کوکھ اجڑی۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.