BAAP

دن ڈھلے جب کر کے مزدوری رضا آتا ہے باپ دیکھ کر ہنستے ہوئے بچوں کو سکھ پاتا ہے باپ سامنے آنکھوں کے جس بیٹے کے مر جاتا ہے باپ لمحہ لمحہ زندگی بھر اس کو یاد آتا ہے باپ جانے کتنے خواب کرتے ہیں سفر بچے کے ساتھ گھر سے پہلی بار جب اسکول لے جاتا ہے باپ عمر بھر رہتی ہے اس بیٹے کے دل میں اک خلش جب ترقی دیکھنے سے پہلے مر جاتا ہے باپ تھام کر انگلی جسے چلنا سکھایا مدتوں ایک دن اس کے سہارے کو ترس جاتا ہے باپ جب نمایاں کامیابی چومے بیٹے کے قدم نذر دلواتی ہے ماں سجدے میں گر جاتا ہے باپ زندگی بھر چلتا رہتا ہے مشینوں کی طرح موت کی گودی میں ایک دن تھک کے سو جاتا ہے باپ روتے روتے بس یہی کہتا ہے وہ ہائے حسین جب کبھی اپنے جوان بیٹے کو دفناتا ہے باپ کوئی ان بچوں سے پوچھے کیا ہے شادی کا مزہ بیاہ کی تاریخ رکھ کر جن کی مر جاتا ہے باپ روز عاشورا بنا دیتی ہے ماں سقا ہمیں ایک چھوٹا سا اٹھانے کو علم لاتا ہے باپ رو کے زینب نے کہا بابا بھرا گھر لٹ گیا جب شب شام غریباں میں نظر آتا ہے باپ کیا کہوں گا حال اصغر پوچھ بیٹھیں جو رباب آگے جاتا ہے کبھی پیچھے پلٹ آتا ہے باپ مانگنے آتی ہے جب دربار میں باغ فدک غمزدہ بیٹی کو جانے کتنا یاد آتا ہے باپ ہونے ہی والی ہے اس شام غریباں کی سحر بازوؤں کو چوم کر بیٹی کو سمجھاتا ہے باپ قید خانے میں ہوا کہرام بچی مر گئی خواب میں ایک شب سکینہ کو نظر آتا ہے باپ یہ عزاداری کا صدقہ ہے جو برزخ میں رضا مجلسوں میں روتے ہیں ہم اور جزا پاتا ہے باپ