Ilahi almadad hai rasta dushwar pani me

الہی المدد ہے راستہ دشوار پانی میں قدم رکھتا نہیں ہے فکر کا رہوار پانی میں ہے ایسی بحر جس پر اشک بحر بیکراں تو ہے ردیف ایسی کہ ڈوبے قافیہ ہر بار پانی میں جہاں ہر مصرعہ آتا ہو لباس تشنگی پہنے وہاں ممکن نہیں سیرابی اشعار پانی میں پرکھنا آگ میں سونے کا سنتے آئے تھے لیکن علی کے لال کا پرکھا گیا کردار پانی میں مقابل شیر کے آتے جو پہرے دار پانی میں تو ہوتے ایک کے دو اور دو کے چار پانی میں پگھل جاتا ہے پتھر تشنگی کی آگ میں پڑ کر بکھر جاتی ہے جیسے ریت کی دیوار پانی میں ثبوت قبضہ سقہ ہے دریا پر ابھی روضہ بتاتا ہے اتر کر سایہ دیوار پانی میں