Ya Ali tu hi tu

یا علی یا علی تو ہی تو ابتدا سورہ الحمد سے کرتا ہوں کلام اے شب قدر تیرے صدقے عطا ہو الہام یا علی تیری مدد سے یوں لکھوں تیرا مقام تو ہی تو چاروں طرف دیکھنے لگے میرے امام حرف بہ حرف سماعت میں سما جائے علی میں کہوں نقطہ با اور صدا آئے علی وہ شب تیرہ رجب اور وہ اللہ کا گھر جناب بیت خدا بنت اسد کا وہ سفر ہنس کے جبرائیل امیں دیتے تھے دنیا کو خبر گھر میں اللہ کے اترا ابو طالب کا پسر منتظر جس کے نبی تھے وہ ولی آیا ہے ٹوٹ کر کعبہ بھی کہتا تھا علی آیا ہے آمد ماہ رجب اور تیری آمد آمد شاہد ذات خداوند کی اشہد آمد نفس معبود کی آمد سر معبد آمد گھر میں یداللہ کی سرمد آمد سامنا جھوٹے خداؤں کا تھا سچائی سے منہ کے بل گر پڑے بت ایک تیری انگڑائی سے سانسیں لکھتا ہے تو اموات رقم کرتا ہے لوح محفوظ پہ آیات رقم کرتا ہے آج اور کل کی ہر ایک بات رقم کرتا ہے سب کچھ اللہ کا یہی ہاتھ رقم کرتا ہے اپنے کعبے کا تجھے قبلہ بنایا رب نے امر سے پہلے اولوالامر بنایا رب نے کیا قیامت سر مقتل تیری تلوار کرے باد صرصر بھی کبھی اندازہ رفتار کرے ایک ہی جیسے برابر کے سبھی وار کرے ملک الموت کو بھی چلنے میں لاچار کرے تیری شمشیر تو بس اپنا ہدف دیکھتی ہے موت تھک کر تیرے ہاتھوں کی طرف دیکھتی ہے آسماں والوں زمیں والوں میں ناطہ تو ہے طور پہ چمکا تھا جو نور وہ جلوہ تو ہے جس پہ اللہ کا گماں ہے وہی بندہ تو ہے ترجمہ جو بھی ہے توحید خدا کا تو ہے نور کا دھارا سوئے خاک یوں موڑے رکھا تو نے الحمد کو والناس سے جوڑے رکھا سچ ہے فردوس پہ کوثر پہ علی کا حق ہے سارے صحرا پہ سمندر پہ علی کا حق ہے منبر شافع محشر پہ علی کا حق ہے حد ہے یہ کرسی داور پہ علی کا حق ہے یا علی جس نے امانت میں خیانت کی ہے تیرے غاصب پہ تو اللہ نے لعنت کی ہے ہے یہ فرمان نبی خیر البریہ تو ہے ہر زمانے کے لیے میر زمانہ تو ہے میری امت میں مثال در حطہ تو ہے یا علی سورہ اخلاص کا چہرہ تو ہے جیسے قرآن کے سوروں کی تلاوت کرنا یوں عبادت ہے تیرے رخ کی زیارت کرنا تیغ وہ تیغ کہ ہے عدل الہی جس سے ہاتھ وہ ہاتھ کہ چلتی ہے خدائی جس سے آنکھ وہ آنکھ کہ تکتا ہے خدا بھی جس سے کان وہ کان خدا سن لے دہائی جس سے پا کے انگشتری سائل بھی یہی کہتا ہے رب سے مانگی ہوئی خیرات تو ہی دیتا ہے لے گا اللہ کی جانب سے زمانوں کا حساب روحوں کا جسموں کا اکبر سبھی نفسوں کا حساب بے ولایت جو ہوئے نام کے سجدوں کا حساب وقت کے روزوں کے بے وقت کے فاقوں کا حساب اس طرح مسند توحید سجائے گا تو ہاتھ اللہ کی جگہ سب سے ملائے گا تو