Bole beti se sibte
Noha Lyrics & Urdu Writeup on Bibi Sakina (s.a) recited by Mir Azhar Ali
بولے بیٹی سے سبط پیمبر
بعد میرے نہ رونا سکینہ
ضد نہ کرنا مجھے یاد کرکے
ماں کی گودی میں سونا سکینہ
ہم بہت دور جایں گے بی بی
اب نہ صورت دکھائیں گے بی بی
ہم اگر یاد آیں گے بی بی
تم نہ بے چین ہونا سکینہ
بعد میرے تو دکھیاری ہوگی
تجھکو ایذا بڑی پیاری ہوگی
زندگی پھر تجھے بھاری ہوگی
تجھکو ہے قید ہونا سکینہ
شمر کوڑوں سے دیگا اذیت
اور طمانچوں سے ہوگی حمایت
تم کو دیگا یتیمی میں زحمت
یاد اپنی نہ کھونا سکینہ
میری فرقت میں گریہ کرے گر
یا انہیں یاد آجائے اصغر
ماں کو رونا نہ دینا تو دلبر
منہ پہ منہ رکھ کے سونا سکینہ
لاش پر میری جب تم لپٹ کر
روؤ گی میری اے جان دختر
کوڑے ماریں گے شمر بد اختر
ہے یہ سب تم کو سہنا سکینہ
بی بی آے تمہیں گر میری یاد
روکے کرنا نہ تم زار و فریاد
ورنہ تم پر بہت ہوگی بے دار
مار کھانا نہ رونا سکینہ
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.