Baba jaan

ہائے جب راہِ شام میں دیکھا غریب باپ کا سر نوکِ سناں پر تو سکینہ نے تڑپ کر یہ کیا تھا نوحہ بابا بابا بابا بابا

جب کوئی یتیمہ کہتا ہے مجھے آپ بہت یاد آتے ہیں کب ہوگا سفر ختم یہ میرا راہوں میں کانٹوں پر چلتے چلتے میں تھک گئی ہوں بابا جان

جب سے رسن میں یہ گلا ہے بابا میرا دم گھٹ رہا ہے مشکل ہے یہ سفر ایٔ بابا میں اس سفر میں مر نہ جاؤں آکر سنبھالو گِر نہ جاؤں خاک پر دیکھو ناں پنجوں پر چلتے چلتے میں تھک گئی ہوں بابا جان

بعد آپ کے جب شمر آیا بابا میرا دامن جلایا چھینے میرے گوہر ایٔ بابا دیتی رہی رُوکر دُہائی بالوں سے کھینچا جب میں آئی لاش پر زخمی ہے میرا سر چلتے چلتے میں تھک گئی ہوں بابا جان

پہلے تو مجھ کو اک قدم بھی چلنے نہیں دیتا تھا بھائی کیا وہ بھول گیا ایٔ بابا بابا تیری جس پر نظر ہے ہاں وہ میرے بھائی کا سر ہے پوچھو ذرا سُنتا نہیں کیوں اکبر چلتے چلتے میں تھک گئی ہوں بابا جان

سب دیکھتے ہیں بس تماشہ جو بھی ملا دیکھو طمانچہ اس نے مارا مجھے ایٔ بابا کب تک رہا ہوگی سکینہ یاد آرہا ہے اب مدینہ بابا مجھے جاؤں گی میں کب گھر چلتے چلتے میں تھک گئی ہوں بابا جان

رو کر سکینہ نے صدا دی سینے پہ سونے کی ہوں عادی نیند آی ہے مجھے ائ بابا میں خاک پر سو نہ سکوں گی بس یہ صدا دیتی رہوں گی بابا تجھے گودی میں لو آکر چلتے چلتے میں تھک گئی ہوں بابا جان

پیاسی کو سب نے یوں ستایا پانی دیکھایا اور بہایا کیا کیا میں نے سہا ائ بابا نیزے سے عموں کا گِرا سر جب شام والوں سے تڑپ کر میں نے کہا پانی مجھے دولاکر چلتے چلتے میں تھک گئی ہوں بابا جان

دربار میں منظر جو دیکھا ذیشان وہ کیسے لکھے گا اے عرفانِ عزا ائ بابا بیٹی نے رو کے جب صدا دی بابا کا سر گودی میں اُس کی آگیا کہتی رہی رو رو کر چلتے چلتے میں تھک گئی ہوں بابا جان