Ay sakina mai
Noha Lyrics & Urdu Writeup on Bibi Sakina (s.a) recited by Safdar Abbas
زندان میں سجاد بکا کرتے تھے رو کر
اے سکینہ میں تیری لاش اٹھاؤں کیسے
ان لعینوں سے کفن تجھکو دلاؤں کیسے
تیری مظلومی مجھے خون رلاتی ہے بہن
بن گیا خون بھرا کرتہ غریبی میں کفن
ہے بندھے ہاتھ تیری قبر بناؤں کیسے
اے سکینہ میں تیری۔۔۔
روز کرتی تھی بکا آؤ مدد کو بابا
سن کے فریاد تیری کوی نہیں آتا تھا
کیوں نہیں آیا کوی تجھکو بتاؤں کیسے
اے سکینہ میں تیری۔۔۔
اس غریبی میں تجھے ہاے قضا آی ہے
جکڑے زنجیروں میں اس وقت تیرا بھائی ہے
آخری بار کلیجے سے لگاؤں کیسے
اے سکینہ میں تیری۔۔۔
زخمی کانوں سے تیرے خوں ہے ابھی تک جاری
اماں بانو پہ اسی غم میں غشی ہے طاری
ماں کی نظروں سے تیرا لاشہ چھپاؤں کیسے
اے سکینہ میں تیری۔۔۔
طوق گردن میں میری تیرے گلے میں تھی رسن
میں چلا کانٹوں پہ اور تو چلی پنجوں پہ بہن
اے بہن میں تیرے زخموں کو بھلاؤں کیسے
اے سکینہ میں تیری۔۔۔
تو جو روتی تو دل میرا تڑپ جاتا تھا
رحم تجھ پر نہ کوئی اہل ستم کھاتا تھا
ان غموں کو میں کلیجے سے مٹاؤں کیسے
اے سکینہ میں تیری۔۔۔
بھای کے ہاتھوں پہ تھا لاشہ بہن کا مظہر
بین کرتے تھے حرم دیکھ کے غم کا منظر
نوحہ سجاد کا صفدر میں سناؤں کیسے
اے سکینہ میں تیری۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.