Ay mere baba
Noha Lyrics & Urdu Writeup on Bibi Sakina (s.a) recited by Irfan Haider
اے میرے بابا
آپ غریبُ الوطن میں بھی غریبُ الوطن
آپ کا میدان میں تیروں پہ لاشہ رہا
میرے گوہر چھِن گئے آگ سے دامن جلا
اے میرے بابا
آپ رہے بے کفن میں بھی رہی بے کفن
آپ کے حلقوم پر شمر کا خنجر چلا
مجھ کو تماچے لگے سر سے چھِنی ہے ردا
اے میرے بابا
آپ کا نیزے پہ سر میرے گلے میں رسن
اے میرے بابا ۔۔۔
آپ کو روتی رہی تشنہ لبی دشت میں
داغِ یتیمی ملا مجھ کو اسی دشت میں
اے میرے بابا
آپ ہیں تشنہ دہن میں بھی ہوں تشنہ دہن
اے میرے بابا ۔۔۔
دونوں کی مظلومیت دیکھی ہے افلاک نے
دونوں کی حُرمت رکھی دشت کی اس خاک نے
اے میرے بابا
خاک بنی ہے ردا خاک بنی ہے کفن
اے میرے بابا ۔۔۔
وقتِ مصیبت ہوئی دونوں ہی ہم سے جدا
دونوں کی تقدیر میں تھا غمِ فرقت لکھا
اے میرے بابا
اک بہن آپ کی اک ہے میری بہن
اے میرے بابا ۔۔۔
آپ نے چھوڑا وطن نوحہ کُناں تھا فلک
کرب و بلا سے کیامیں نے سفر شام تک
اے میرے بابا
آپ اسیرِ مہن میں ہوں اسیرِ رسن
اے میرے بابا ۔۔۔
آپ کے ہمراہ تو اکبر و عباس ہیں
مجھ پہ یہ تنہائیاں روتی ہیں زندان میں
اے میرے بابا
میری لحد قید ہے آپ کا روضہ وہ بند
اے میرے بابا ۔۔۔
قتلِ علمدار سے آپ کی ٹوٹی کمر
پنجوں پہ چلتے ہوئے میں نے کیا ہے سفر
اے میرے بابا
آپ کو صدموں کی اور مجھ کو سفر کی تھکن
اے میرے بابا ۔۔۔
دونوں پہ پردیس میں کیسی مصیبت پڑی
مجھ سے پدر چھِن گیا آپ سے بیٹی چھِنی
اے میرے بابا
آپ غریبُ الوطن میں بھی غریبُ الوطن
اے میرے بابا ۔۔۔
آپ ہیں فیضِ رسا آپ کو میری قسم
مظہر و عرفان پر کیجیئے اپنا کرم
اے میرے بابا
اک سفیرِ اعزا اک سفیرِ سُخن
اے میرے بابا ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.