Ab mai pani na

رو رہی ہے تمہاری سکینہ

لوٹ آؤ چچا علقمہ سے پیاس اشکوں سے اپنی بجھا لونگی اب میں پانی نہ مانگونگی

اور کچھ روز پیاسے رہے بھی تو کیا پیاس سے بڑھ کے غم آپ کا ہے چچا کوئی دے گا اب العطش کی صدا لوٹ آؤ چچا علقمہ سے پیاسے بچوں کو میں خود منا لوں گی اب میں پانی نہ۔۔۔

پانی آئے نہ آئے مجھے غم نہیں پر یہ فرقت یتیمی سے کچھ کم نہیں یوں سمجھ لو چچا تم نہیں ہم نہیں لوٹ آؤ چچا علقمہ سے میں نہ شکوہ کبھی لب پہ لاؤں گی پیاسے بچوں کو میں خود منا لوں گی اب میں پانی نہ۔۔۔

ظالموں نے مجھے بے سہارا کیا میں نے کانٹوں پہ چلنا گوارا کیا دل کے زخموں نے نوحہ دوبارہ کیا لوٹ آؤ چچا علقمہ سے سب غموں کو گلے سے لگالونگی اب میں پانی نہ۔۔۔

یوں ستمگر مجھے اب ستانے لگے پانی مجھکو دکھا کر بہانے لگے زخم دل کے تمہیں پھر بلانے لگے لوٹ آؤ چچا علقمہ سے ظالموں سے طمانچے بھی کھا لونگی اب میں پانی نہ۔۔۔

راہ میں مل بھی جائے گا پانی اگر ڈال دونگی میں عابد کی زنجیر پر ہاں یہ نوحہ رہے گا لبوں پر مگر لوٹ آؤ چچا علقمہ سے پیاسا رہنا میں خود کو سکھا دونگی اب میں پانی نہ۔۔۔

چل بسی قید خانے میں جب غمزدہ غسل میت کو پانی میسر نہ تھا آئے لاش سکینہ سے اس دم صدا لوٹ آؤ چچا علقمہ سے میں بنا غسل کے ہی ساھاروں گی اب میں پانی نہ۔۔۔

ایک دن شام فرحان و مظہر گئے ایک مشکیزہ پانی کا لے کر گئے اک صدا سن کے ایسا لگا مر گئے لوٹ آؤ چچا علقمہ سے اپنا وعدہ یہاں بھی نبھالوں گی اب میں پانی نہ۔۔۔