Mila nahi tera seena Sakina zinda hai
Noha Lyrics & Urdu Writeup on Bibi Sakina (s.a) recited by Kazmi Brothers
ملا نہیں تیرا سینہ سکینہ زندہ ہے
طمانچے کھا کے بھی بابا سکینہ زندہ ہے
لعین نے دُر کو اتارا نہیں ہے کھینچا ہے
اُسے بتائے بھیا سکینہ زندہ ہے
وہ دیکھ آئی ہے بابا کی لاش مقتل میں
نہ جانے کیسے خدایا سکینہ زندہ ہے
کٹے سروں کی صدا تھی یہ شامِ غربت میں
نہ مار شمر خدارا سکینہ زندہ ہے
وہ نوک نیزہ سے اصغر کا سر گرا دیتے
کبھی جو دیکھنا ہوتا سکینہ زندہ ہے
اُسے بتول سے نسبت ہے درد سہنے میں
کہ نیلا ہوگیا چہرہ سکینہ زندہ ہے
ہیں اُس کے چاروں طرف اُس کے باپ کے قاتل
ستم کی بھیر میں تنہا سکینہ زندہ ہے
ہے سسکیوں کی صدا اب بھی شام میں احسن
ابھی بھی لگتا ہے ایسا سکینہ زندہ ہے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.