Aaja meri jaan Sakina — Noha Lyrics & Urdu Writeup on Bibi Sakina (s.a) recited by Raza Abbas Zaidi | Bayaaz

Aaja meri jaan Sakina

Noha Lyrics & Urdu Writeup on Bibi Sakina (s.a) recited by Raza Abbas Zaidi

Munasibat: Bibi Sakina (s.a)Reciter: Raza Abbas ZaidiPoet: Zeeshan Abidi

زخمی کانوں پہ ہاتھوں کو رکھے ہوئے نکلی خیموں سے اک بچی روتی ہوئی اس کا کرتا جلا سرخ رخسار تھا بابا بابا کی وہ دے رہی تھی صدا

ہائے بابا ہائے بابا ہائے بابا

ہائے لرزہ تھا اس کے ہاتھوں میں باپ کو ڈھونڈتی تھی لاشوں میں جب وہ بابا کو ڈھونڈ نہ پائی ایک لاشے سے یہ صدا آئی

آجا میری جان سکینہ تو کہاں ہے تیرا بابا یہاں ہے

ایسے گھبرا نہیں میری بچی ہے تیرا بابا تیرے ساتھ ابھی ڈھونڈ لاشوں میں ایک لاش ایسی جسکی اک اُنگلی کٹی ہے بیٹی

سن کے سکینہ نے کہا بابا اُن ہاتھوں سے تم نے جو تحفے میں مجھے لاکر دئے تھے شمر وہ گوہر لے گیا بابا کہاں ہو خوں میرے کانوں سے بہا بابا کہاں ہو آجا میری جان سکینہ۔۔۔ الي، الي الي يا بنیا سکینہ

میری آواز سنکے آجا ادھر ہو چکا ہے میرا بدن بے سر وار اتنے کئے گئے مجھ پر آ چکی ہیں میری رگیں باہر

آتے ہوئے میں نے سنا کہ رہا تھا کوئی پھپیوں کے شانوں سے میری گردن بندھے گی چھوٹا ہے قد سب سے میرا بابا کہاں ہو ہوگا میرا زخمی گلا بابا کہاں ہو

کیسے پہچانوگی مجھے بولو مل کے مارا ہے تیرے بابا کو اے میری جان میری بات سنو سب سے زخمی بدن تلاش کرو

مارکے جب تمکو لعیں خیموں میں آیا بال میرے کھینچے مجھے مارا طمانچہ زخمی ہوا چہرا میرا بابا کہاں ہو اتنا مجھے مارا گیا بابا کہاں ہو آجا میری جان سکینہ۔۔۔

کب سے جاگی ہے پاس آ میرے آرہی ہوگی بیٹا نیند تجھے تو مگر سوئےگی یہاں کیسے میرا سینہ بھرا ہے تیروں سے

تیر نکالوں گی میں خود ننھے ہاتھوں سے بابا مگر سوؤنگی میں سینے پہ تیرے رن میں اندھیرا ہوگیا بابا کہاں ہو سینہ کہاں ڈھونڈوں تیرا بابا کہاں ہو آجا میری جان سکینہ۔۔۔

پہلی منزل ہے یہ مصیبت کی ظلم سہنے ہیں تجھکو اور ابھی جو سنے گا تو ہے میری بیٹی اور مارے گا تجھکو اے بی بی

آپکی بیٹی ہوں اُسے جب یہ بتایا جان کے ظالم نے میرا دامن جلایا چھین کے لے گیا ردا بابا کہاں ہو دیتی رہی میں یہ صدا بابا کہاں ہو آجا میری جان سکینہ۔۔۔

یہ بھی پہچان ہے میری سن لے جب گرایا گیا مجھے زیں سے یوں تو تلواریں بھی چلیں مجھ پہ سب سے گہرے ہیں زخم نیزوں کے

نیزے کا جب نام سنا بولیں سکینہ اس طرح خولی نے مجھے نیزے سے مارا چہرے کے بل گرادیا بابا کہاں ہو یاد بہت آئے چچا بابا کہاں ہو آجا میری جان سکینہ۔۔۔

ڈھونڈا ذیشان اور رضا ہر سو آئی جس وقت باپ کی خوشبو پونچھ کر ننھے ہاتھ سے آنسو پہنچی لاشے پہ ہوکے بے قابو

غم جو سہے بھول گئی جب دیکھا منظر گھوڑوں سے پامال بدن اور تھا کٹا سر پھر نہ سکینہ نے کہا بابا کہاں ہو اٹھ کے سنو حال میرا بابا کہاں ہو آجا میری جان سکینہ۔۔۔

Want these lyrics offline?

Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.

Android App iOS App

Connect with us

Instagram·WhatsApp·Email

Explore More

More by this ReciterRaza Abbas Zaidi

More on this MunasibatBibi Sakina (s.a)