Zainab ka waada
Noha Lyrics & Urdu Writeup on Bibi Zainab (s.a) recited by Raza Abbas Zaidi
زینب کا تجھ سے وعدہ ہے بھای
دنیا میں تیرا ماتم رہے گا
بے وارثی ہو یا بے ردائی
دنیا میں تیرا ماتم رہے گا
پرچم اٹھا کر غازی کا اپنے
پورے کروں گی میں تیرے وعدے
بابا کریں گے مشکل کشای
دنیا میں تیرا ماتم رہے گا
زینب کا تجھ سے۔۔۔
پیغام تیرا مٹنے نہ دوں گی
پیاسی رہوں گی پیدل چلوں گی
مظلومیت کی بن کر گواہی
دنیا میں تیرا ماتم رہے گا
زینب کا تجھ سے۔۔۔
اوڑھوں گی سر پر اس وقت چادر
لے لوں گی بدلہ جب اے برادر
کہتی ہے تجھ سے زہرا کی جای
دنیا میں تیرا ماتم رہے گا
زینب کا تجھ سے۔۔۔
بیٹوں کا ماتم اس دن کروں گی
چہلم تمہارا جب کر چکوںگی
میں نے یہی ہے منت اٹھای
دنیا میں تیرا ماتم رہے گا
زینب کا تجھ سے۔۔۔
چادر کے بدلے سر لوں گی اس کا
مجلس کی خاطر گھر لوں گی اس کا
نسل یزیدی دے گی دہای
دنیا میں تیرا ماتم رہے گا
زینب کا تجھ سے۔۔۔
ہر گھر میں ہو گا اب تیرا ماتم
ہر روز ہوگا مثل محرم
دیکھے گی اب تو ساری خدائی
دنیا میں تیرا ماتم رہے گا
زینب کا تجھ سے۔۔۔
تابوت تیرا غازی کا پرچم
اٹھتے رہیں گے دنیا میں ہر دم
میں نے قسم ہے زہرا کی کھای
دنیا میں تیرا ماتم رہے گا
زینب کا تجھ سے۔۔۔
رب کی رضا ہے ریحان نوحہ
نہ قید موسم نہ خوف دنیا
یہ نوکری ہے قسمت سے پای
دنیا میں تیرا ماتم رہے گا
زینب کا تجھ سے۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.