Zainab aseer hai
Noha Lyrics & Urdu Writeup on Bibi Zainab (s.a) recited by Mir Mohsin Ali
زینب اسیر ہے میرے غازی دُہائی ہے
سر پہ مصیبتوں کی گھٹا میرے چھائی ہے
جلتی زمین ہے پائوں میں نعلین بھی نہیں
اور خار دار راہیں ہیں تیری دُہائی ہے
زینب اسیر ہے۔۔۔
جا کر وطن کہوں گی میں نانا کی قبر پر
بھائی کو کھو کے زینبِ دلگیر آئی ہے
زینب اسیر ہے۔۔۔
ہر ظلم پہ سکینہ تجھے دیتی ہے صدا
شدت سے آج اُس کو تیری یاد آئی ہے
زینب اسیر ہے۔۔۔
مہمان بُلا کے کرنے لگے سنگ باریاں
کُوفے میں ہم پہ کیسی مصیبت یہ آئی ہے
زینب اسیر ہے۔۔۔
بھیا تیری بہن پہ مصائب بہت ہوئے
ظلم و ستم کی ماری ہے غم کی ستائی ہے
زینب اسیر ہے۔۔۔
بھیا تمہارے بعد جلائے گئے خیام
بہنا یہ جلتے خیمے سے عابد کو لائی ہے
زینب اسیر ہے۔۔۔
ذکرِ حسین احمد و محسن کا کام ہے
دونوں کی عمر بھر کی یہی بس کمائی ہے
زینب اسیر ہے۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.