Salam pehli azadar
Noha Lyrics & Urdu Writeup on Bibi Zainab (s.a) recited by Anj. Hyderi Ali Basti
سلام پہلی عزادار ثانیئے زہرا
حسینیت کی نگہدار ثانیئے زہرا
حسین جس کے لیے زندگی تڑپتی ہے
وہ اک نام کہ جس پر مادرِ ہستی ہے
کے جس کے ذکر سے باطل سپاہ ڈرتی ہے
اُسی حسین کا کردار ثانیئے زہرا
سلام پہلی عزادار۔۔۔
اس عہدِ نو میں خوابیدہ جو مسلماں ہیں
بجائے دین ذر و مال کے وہ خواہاں ہیں
مگر وہ لوگ کے جو اب بھی اہلِ ایماں ہیں
تیرے سبب سے ہے کردار ثانیئے زہرا
سلام پہلی عزادار۔۔۔
بقائے دیں کا ہر اک رستہ جو بند ہوا
بوقت عصر جب اسلام فکر مند ہوا
اُدھر سے نیزے پہ سر شاہ کا بلند ہوا
ادھر سے بن گئی تلوار ثانیئے زہرا
سلام پہلی عزادار۔۔۔
قدم محاذ پہ رکھا تو کامیاب رکھا
جلال و ضبط میں اندازِ بوتراب رکھا
علی کے لہجے سے آواز کا حجاب رکھا
سند ہے وہ تیری گُفتار ثانیئے زہرا
سلام پہلی عزادار۔۔۔
سمجھ سکے تو سمجھ گفتگو کا دھب کیا ہے
زمیں پر تیری تکلیق کا سبب کیا ہے
یزیدِ نحس تیرا شجرئہ نصب کیا ہے
سُنائے گی سرِ دربار ثانیئے زہرا
سلام پہلی عزادار۔۔۔
بڑھے سرور جو اہلِ حرم کو دہلانے
ردائیں چھین لی جس دم سروں سے اعدا نے
تڑپ کے رہ گئے بے دست کے کٹے شانے
ترس کے رہ گئی لاچار ثانیئے زہرا
سلام پہلی عزادار۔۔۔
تمام شہر میں یہ ہر طرف منادی ہے
کہ جس کو شمر نے دُرّوں سے بھی سزا دی ہے
سُنو سُنو اسی کوفے کی شہزادی ہے
کہ ذکر ہے سرِ بازار ثانیئے زہرا
سلام پہلی عزادار۔۔۔
یتیمِ شاہ اندھیرے میں کھو گئی آخر
لہوکو اپنے ہی اشکوں سے دھو گئی آخر
اُسی پھٹے ہوئے کُرتے میں سو گئی آخر
کفن نہ دے سکی ناگار ثانیئے زہرا
سلام پہلی عزادار۔۔۔
کبھی فرا،ت نظر میں کبھی ترائی ہے
نگاہ میں لحدِ شاہِ کربلائی ہے
گری ہے اونٹ سے گھُٹنوں سے چل کے آئی ہے
غریب و بے کس و ناچار ثانیئے زہرا
سلام پہلی عزادار۔۔۔
وطن ہے شدتِ گریہ ہے اور زینب ہے
نبی کی قبر ہے صغریٰ ہے اور زینب ہے
لہو بھرا ہوا کُرتا ہے اور زینب ہے
لُٹا کے آئی ہے گھر بار ثانیئے زہرا
سلام پہلی عزادار۔۔۔
اُداس آنگن و دیوار در لگے گھر کے
نہ بین رُک سکے شاہد غریب مادر کے
وہ پہلی بار جو بیٹوں کو روئی جی بھر کے
اسیرِ رنج و دلفگار ثانیئے زہرا
سلام پہلی عزادار۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.