Pehla sajda baghair
Noha Lyrics & Urdu Writeup on Bibi Zainab (s.a) recited by Shahid Baltistani
آج زینب کرے گی مقتل میں
پہلا سجدہ بغیر چادر کے
روشنی اور ہوا نے بھی جس کا
سر نہ دیکھا بغیر چادر کے
جس کو دفنا نہیں سکی زینب
بیکفن تھا جو دشتِ غربت میں
اپنے بھائی حسین کا اس نے
غم منایا بغیر چادر کے
آج زینب کرے گی۔۔۔
وہ جو اسکی ردا ضامن تھا
اس کے نقشِ قدم مٹاتا تھا
کیسے گزرے گی اس کے لاشے سے
بنت زہرا بغیر چادر کے
آج زینب کرے گی۔۔۔
جس کا قرآن چہرہ پڑھتا تھا
صرف آیات دیکھتی تھی جسے
آج دیکھیں گے اس کو گلیوں میں
اہلِ کوفہ بغیر چادر کے
آج زینب کرے گی۔۔۔
تم سے زینب نہ ہم کلام ہوی
میری آواز نہ سنی تم نے
آؤ بابا سناؤں میں تم کو
آج خطبہ بغیر چادر کے
آج زینب کرے گی۔۔۔
دونوں زخموں نے خوں رلایا ہے
قبر میں بھی خدا کی غیرت کو
ایک لاشہ تھا بیکفن رن میں
اک جنازہ بغیر چادر کے
آج زینب کرے گی۔۔۔
کیسے ان چاروں کے مقتل میں
تین دن تک کھڑی رہی زینب
جس جگہ موت سے بھی مشکل تھا
اک لمحہ بغیر چادر کے
آج زینب کرے گی۔۔۔
جو بھی پردے کو رونے والی ہے
واسطہ ان کو بی بی زینب کا
بنت زہرا کی پاک چادر کو
تم نہ رونا بغیر چادر
آج زینب کرے گی۔۔۔
خاک بالوں میں بال چہرے پر
اور آنکھوں سے اشک جاری ہے
قید خانے میں ایسے زینب کا
سال گزرا بغیر چادر کے
آج زینب کرے گی۔۔۔
اس کا پردہ تھا زندگی اس کی
سانس اس کو ردا سے ملتی تھی
ہے قیامت فراز زینب کا
زندہ رہنا بغیر چادر کے
آج زینب کرے گی۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.