Mai zainab hoo

لوگو میں علی کی بیٹی ہوں کونین کی میں شہزادی ہوں میں زینب ہوں میں زینب ہوں

بے چادر ہوں اور قیدی ہوں بازار میں روکر کہتی ہوں میں زینب ہوں میں زینب ہوں

کس شان سے نکلی تھی گھر سے اس غم نے رلایا تھا مجھکو بازو سے پکڑ کر غازی نے محمل میں بیٹھایا تھا مجھکو وہ منظر سوچ کے روتی ہوں حیران میں خود پر ہوتی ہوں میں زینب ہوں میں زینب ہوں لوگو میں علی کی۔۔۔

جب قافلہ اس کے گھر پہنچا شیریں نے مجھے پہچانا نہیں قدموں سے لپٹ کر رونے لگی جب میں نے کہا کیوں جانا نہیں پردیس میں لٹ کر آئی ہوں پہچان میں آ قا زادی ہوں میں زینب ہوں میں زینب ہوں لوگو میں علی کی۔۔۔

جس وقت سر مسلم دیکھا سجاد کے لب پر تھا نوحہ پہلے تو سلامی دی میں نے پھر روتے ہوئے مسلم سے کہا قسمت کی رسن میں جکڑی ہوں آنکھوں سے سلامی دیتی ہوں میں زینب ہوں میں زینب ہوں لوگو میں علی کی۔۔۔

ہمراہ کنیزوں کے اک دن زندان ستم میں ہند آئی زینب سے کہا جب کون ہے تو زینب یہ سخن لب پر لائی میں رنج و الم کی ماری ہوں اور شیر خدا کی بیٹی ہوں میں زینب ہوں میں زینب ہوں لوگو میں علی کی۔۔۔

زنداں سے رہا ہو کر قیدی جب کرب و بلا میں آئے تھے بھائی کی لحد پر جاتے ہی یوں بین کیئے تھے زینب نے کچھ نیل رسن کے لائی ہوں تیرا چہلم کرنے آ ئی ہوں میں زینب ہوں میں زینب ہوں لوگو میں علی کی۔۔۔

سجاد سے کہتی تھی روکر دربار میں کس طرح جاؤں میں شرم و حیا کی شہزادی اے کاش زمیں میں گڑ جاؤں مجرم کی طرح سے چلتی ہوں خالق سے دہائی دیتی ہوں میں زینب ہوں میں زینب ہوں لوگو میں علی کی۔۔۔

اٹھارہ برادر تھے جس کے وہ بی بی ردا کو روتی ہے وہ زخم دئیے ہیں امت نے مرہم کو دوا کو روتی یے ہر کلمہ گو سے کہتی ہوں کیوں آج ردا کو ترستی ہوں میں زینب ہوں میں زینب ہوں لوگو میں علی کی۔۔۔

پہنچے جو مدینے اہل حرم تھا میثم و مظہر حشر بپا صغرا سے کہا شہزادی نے چہرے پہ مرے کر غور ذرا زندان سے چھٹ کر آئی ہوں بالوں میں سفیدی لائی ہوں میں زینب ہوں میں زینب ہوں لوگو میں علی کی۔۔۔