Bin tere na ghar

عابد نے کہا آکے قریب بنتِ علی سے اب سُوئے وطن چلیئے پھپی جان میں صدقے سن کر یہ خبر زخمِ جگر پھٹ گئے سارے مرقد سے لپٹ کر کیے زینب نے یہ نالے میں جب بھی وطن جائوں گی بھیا بِن تیرے نہ گھر جائوں گی بھیا

اٹھارہ برس کا علی اکبر بھی یہیں ہے چھ ماں کا ننھا علی اصغر بھی یہیں ہے ہے خاک بسر فرواہ کا دلبر پامال بدن قاسمِ مضطر کس دل سے میں گھر جائوں گی بھیا بِن تیرے نہ گھر ۔۔۔

کیا دن تھے کہ آباد تھا زہرا کا گلستاں یہ کیسی نظر کھاگئی سب ہوگیا ویراں باقی نہیں اب کوئی نگہباں سب بھائی میرے ہوگئے بے جاں مرجائوں گی مرجائوں گی بھیا بِن تیرے نہ گھر ۔۔۔

عباس سے اور تم سے ہے زینب کو ندامت زندان میں چھوڑ آئی ہوں دونوں کی امانت کیا ٹوٹ گئی مجھ پہ قیامت کس درجہ ہے زینب کو خجالت وہ لب پہ نہیں لائوں گی بھیا بِن تیرے نہ گھر ۔۔۔

سوتا ہے میرا دھوپ میں ننھا علی اصغر کہتی ہے یہ بانو کے ہے والی بھی یہیں پر زندان میںاک مرگئی دختر بیٹھے گی نہ اب سائے میں مادر کیا کہہ کے میں سمجھائوں گی بھیا بِن تیرے نہ گھر ۔۔۔

تیار نہیںسوئے وطن جانے کو لیلیٰ وہ کہتی ہے میں چھوڑ دوں کس طرح سے تنہا اٹھارہ برس کا میرا بیٹا رہ جائے گا اس بن میں اکیلا کیسے اُسے سمجھائوںگی بھیا بِن تیرے نہ گھر ۔۔۔

آمد کی خبر سن کے انیس آئیںگے سارے یہ نیل نمایا ہے جو بازو پہ رسن کے گر پوچھ لیامجھ سے کسی نے بتلائوںگی اُن کو میں یہ کیسے بس شرم سے مرجائوں گی بھیا بِن تیرے نہ گھر ۔۔۔