Bhai mai zainab hoo

وہ زایرِ حسین وہ جابر وہ کربلا وہ شام سے پلٹ کے جب آیا تھا قافلہ ناقوں کے جو چلنے سے اُبھرنے لگی صدا جابر نے بڑھکے قافلے والوں سے یہ کہا رُک جائو کہ یہ سلطنتِ ابنِ علی ہے ناقوں پہ یہاں آنا بڑی بے ادابی ہے جب اس صدا کو زینبِ دلگیر نے سنا روئیں جگر کو تھام کے اور روکے یہ کہا پروردگار شکر ہے تیرا بہت بڑا جاگیرہے یہ غازی کی آتی ہے یہ صدا پھر اس کے بعد ناقے سے خود کو گرا دیا عباس کی بہن نے تڑپ کر یہ دی صدا ارے زینب ہوں بھائی زینب ہوں بھائی بھائی میں زینب ہوں

یہ کربلا ہے جاگیر تیری ہم آئے تیری جاگیر میں رہ گئی زنداں میں ہی سکینہ یہ بھی لکھا تھا تقدیر میں پہچانو مجھ کو اے میرے غازی زینب ہوں اے بھائی بھائی میں زینب ہوں۔۔۔

بازارِ کوفہ سے وہ گُزرنا اہلِ حرم کے سالار کا بھیا سجایا تھا اشقیائ نے ایک ایک کونا بازار کا پہچانو مجھ کو اے میرے غازی زینب ہوں اے بھائی بھائی میں زینب ہوں۔۔۔

بھیا تمہاری غیرت کی خاطر بالوں سے پردہ کرتی رہی چادر نہیں تھی سر پہ جو میرے اک اک قدم پر مرتی رہی پہچانو مجھ کو اے میرے غازی زینب ہوں اے بھائی بھائی میں زینب ہوں۔۔۔

بھیا سکینہ کو اک شقی نے مانگا کنیزی میں جس گھڑی میں بنتِ زہرا میں بنتِ حیدر بھیا لرز کر میں رہ گئی پہچانو مجھ کو اے میرے غازی زینب ہوں اے بھائی بھائی میں زینب ہوں۔۔۔

کیسا اندھیرا زندان تھا وہ جس میں سکینہ جاں سے گئی بابا چچا سے مجھ کو ملادو معصوم رو روکہتی رہی پہچانو مجھ کو اے میرے غازی زینب ہوں اے بھائی بھائی میں زینب ہوں۔۔۔

کُرتا جو اُس کا خوں میں بھرا تھا اُس کو بنایا میں نے کفن جب دفن کرتے تھے اُس کو عابد تھرّارہا تھا اُن کا بدن پہچانو مجھ کو اے میرے غازی زینب ہوں اے بھائی بھائی میں زینب ہوں۔۔۔

زنداں سے چُھٹ کر میں آگئی ہوں رنج و الم کی چادر لیئے بازارِ کوفہ میں ہیں جو گزرے آنکھوں میں سارے منظر لیئے پہچانو مجھ کو اے میرے غازی زینب ہوں اے بھائی بھائی میں زینب ہوں۔۔۔

ریحان زینب کی یہ فُغاں تھی عباسِ غازی کی لاش پر دیتی کفن میں اے بھائی تم کو چھنتی نہ سر سے چادر اگر پہچانو مجھ کو اے میرے غازی زینب ہوں اے بھائی بھائی میں زینب ہوں۔۔۔