Ay mere baba jaan
Noha Lyrics & Urdu Writeup on Bibi Zainab (s.a) recited by Shahid Baltistani
اُس وقت جب کہ زینب دربار میں گئی تھی
قاری نمازیوں سے محفل سجی ہوئی تھی
ظالم یہ پُوچھتا تھا غازی تیرا کہاں ہے
بالوں سے منہ چھُپائے زینب یہ کہہ رہی تھی
اے میرے بابا جاں
ہو رہی ہے اذاں
سر چھُپاوں کہاں
مجمعِ عام میں بے وطن بے اماں آ گیا کارواں
اے میرے بابا جاں…
میں بھی ہوں مرضیہ بنتِ خیرُالنساء
میرے لہجے میں ہے بابا تیری ادا
نام زینب میرا تو نے جو رکھ دیا دے دے اپنی زباں
اے میرے بابا جاں…
بابا جاں میں ردا مانگتی رہ گئی
بام و در سج گئے جیتے جی مر گئی
حلقہ ء شام میں نام سُن کر میرا مر گیا ناتواں
اے میرے بابا جاں…
ہاتھ کانوں پہ ہیں نیل گالوں پہ ہے
اور نشاں جو سکینہ کے شانوں پہ ہیں
ہر نشاں سے یہی آ رہی ہے صدابابا جاں بابا جاں
اے میرے بابا جاں…
شامِ عاشور سے شام و کوفہ تلک
میں نے مانگا نہیں ہے خراجِ فدک
میری چادر سے ہے
میری ماں کا سکوں
سُن لے ظالم جہاں
اے میرے بابا جاں…
بابا جاں یہ تیرا آخری تھا بیاں
تیری چادر بچائے گا غازی جواں
مر گیا باوفا
چھِن گئی ہے ردا
کہتی ہیں بیبیاں
عباس عباس عباس
رُک نہ پایا میرے باوفا کا وہ سر
نوکِ نیزہ سے آنے لگا خاک پر
بہن کو دربدر
دیکھ کر ننگے سر
سہہ نہ پایاجواں
اے میرے بابا جاں…
کل تھی ماں آج میں بھی ہوں دربار میں
مثلِ زہرا کھڑی ہوں میں اغیار میں
اُس طرف ہیں شقی
اس طرف رہ گئیں
بے پدر بیٹیاں
اے میرے بابا جاں…
ایسا خطبہ دیا میں نے دربار میں
لکھ رہا ہے جو یاور تیرے پیار میں
لہجہ ء حیدری
ہر اذاں کے لیے
ہے صدائے اذاں
اے میرے بابا جاں…
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.