Bhoolay nahi thay nohay mazloom e karbala kay

بھولے نہیں تھے نوحے مظلومِ کربلا کے ہونے لگے ہیں ماتم زینبؑ تیری رِدا کے تطہیر کے پلے ہیں رسی میں جو گلے ہیں اہلِ حرمؑ چلے ہیں زہراؑ کا گھر لُٹا کے پایا نہ شاہؑ کا سینہ گزرا سوا مہینہ اور مر گئی سکینہؑ رو رو کے بلبلا کے خیموں میں جن کے کل تک عباسؑ کا تھا پہرہ قیدی بنی ہوئیں ہیں پہروں میں اشقیاء کے باقرؑ ہیں اتنے کمسن یا طوق اتنا بھاری سجادؑ چل رہے ہیں گردن کو یوں جُھکا کے بیٹھی نہ چھاؤں میں اور ٹھنڈا پیا نہ پانی سوُئی نہ بی بی زینبؑ بستر کبھی بچھا کے اُجڑی ہوئی یہ مائیں کس دِل سے شام جائیں اصغرؑ سے لاڈلوں کو زیرِ زمیں سُلا کے سجادؑ ناتواں کو پہنا کے طوق و بیڑی کہتا ہے کوڑھ والا چلنا قدم اُٹھا کے پرُ خار راستوں میں آنسو لہو کے بھر کر رونے لگے ہیں چھالے قیدی برہنہ پا کے بیٹی بتولؑ تیری اور غیر کی کچہری تربت میں بھی مسلماں تجھُ کو رہے ستا کے زینبؑ کی اِک صدا پر مردانِ اہل ہاشم حاضر جناب علیہٰؑ کہتے تھے سر جھُکا کے آئی ہے بنتِ حیدرؑ محمل سے وہ اتاریں مسلمؑ سے کوئی کوفی کہدے ذرا یہ جاکے مشکل کشا بتائیں موُلا تیرے سِوائے آزردہ دِل دِکھائے کس کو نثارؔ جا کے