Chehlum karo

غریب زہرا کے نوکر یہ عاشقانِ عزا راہ وفا پہ چلے ہیں مسافران عزا دعائے فاطمہ زہرا کے سایباں کی طرح چلا ہے جانب منزل یہ کاروانِ عزا

سلام زایران حسین سلام عاشقانِ حسین سفر عشقِ حسین

حسینیوں تمہیں کربوبلا بلاتی ہے سفر عشق پر چلو ساتھ میرے حسینیوں سنت بی بی زینب کو پورا کرو ھل من کی صدا پر لبیک کہو لبیک یا حسین رسم سجاد پوری کرو کربلا کے شہیدوں کا چہلم کرو کربلا میں

زایران حسین کربلا کا یہ غم دل میں زندہ رہے ایک پل نہ ہو کم سال بھر مجلس ہو اور رہے آنکھ نم بعد عاشور ہاتھوں میں لے کر الم قافلہ اک ترتیب دو کربلا کے شہیدوں کا چہلم کرو کربلا میں

جس کی چادر کو تم روے ہو عمر بھر جس کا اک روز میں لٹ گیا سارا گھر اپنی مرقد میں کہتی ہے وہ نوحہ گر میں بھی جاتی ہوں تم بھی کرو یہ سفر حکم زینب کی تکمیل ہو کربلا کے شہیدوں کا چہلم کرو کربلا میں

صبر کا وہ خدا یعنی زین العبا پہن کر بیڑیاں خون روتا رہا کربلا سے سوے شام پیدل گیا چھٹ کے زنداں سے پھر سوے کربلا جس طرح وہ چلا تم چلو کربلا کے شہیدوں کا چہلم کرو کربلا میں

باپ کی یاد میں دل جلاتی ہے وہ قید خانے میں غم یوں مناتی ہے وہ اپنے بابا کو اب بھی بلاتی ہے وہ کرنے چہلم سوے دشت جاتی ہے وہ گر سکینہ کے غم خوار ہو کربلا کے شہیدوں کا چہلم کرو کربلا میں

ہے سفر عشق کا ایک مسلسل سفر قریہ قریہ سفر صحرا جنگل سفر سخت گرمی ہو دن رات پیدل سفر کربلا تک نجف سے وہ پیدل سفر میرے ہمراہ تم بھی کرو کربلا کے شہیدوں کا چہلم کرو کربلا میں

دور ہوگی تھکن اس گھڑی اہل غم کربلا میں رکھوگے جو پہلا قدم ہوگی پیش نظر قبر شاہ امم اک ماں کی فغاں سن کے روےنگے ہم میرے زخموں کا مرحم بنو کربلا کے شہیدوں کا چہلم کرو کربلا میں

عاشقانِ حسین عشق ایمان ہے عشق کا یہ سفر دل ہے اور جان ہے ہاں یہ عرفان و مظہر کا علان ہے بنت زہرا کا زہرا کا ارمان ہے ان کا ارمان پورا کرو کربلا کے شہیدوں کا چہلم کرو کربلا میں