Hur ka sar hai
Noha Lyrics & Urdu Writeup on As'hab e Hussain recited by Sachay Bhai
حُر کا سر ہے زانوئے شبیر ہے
مرنے والے کیا تقدیر ہے
حُر کا سر ہے ۔۔۔
خوف کیا محشر کا دامن گیر ہے
ہاتھ میں جب دامنِ شبیر ہے
حُر کا سر ہے ۔۔۔
اپنے اپنوں کے تو کام آتے ہیں سب
یا علی مولائے عالم گیر ہے
حُر کا سر ہے ۔۔۔
کیوں نہ ہو میں ہوں غلامِ بوتُراب
باغِ جنت ہاں میری جاگیر ہے
حُر کا سر ہے ۔۔۔
گر ہٹا دو نُورِ اہلِبیت کو
کون سی اسلام میں تنویر ہے
حُر کا سر ہے ۔۔۔
آپ نے جو خواب دیکھا تھا خلیل
کربلا اُس خواب کی تعبیر ہے
حُر کا سر ہے ۔۔۔
نام ہے میرا عزادارِ حُسین
کام میرا ماتمِ شبیر ہے
حُر کا سر ہے ۔۔۔
دیکھ اُمت دیکھ لے اکبر کی لاش
یہ نبی کی خون بھری تصویر ہے
حُر کا سر ہے ۔۔۔
کٹ رہا ہے تیغ سے شِہ کا گلا
اور پانی پر کھڑی ہمشیر ہے
حُر کا سر ہے ۔۔۔
جوڑتا ہے کیوں کماں سے تیرِ ظُلم
حُرملہ اصغر کی کیا تقصیر ہے
حُر کا سر ہے ۔۔۔
لاشِ اکبر دیکھ کر ماں نے کہا
خواب کیا دیکھے تھے کیا تعبیر ہے
حُر کا سر ہے ۔۔۔
اِک علی کے تھی گلے میں ریسماں
اِک علی کے پاؤں میں زنجیر ہے
حُر کا سر ہے ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.