Ay hurr hato jawan
Noha Lyrics & Urdu Writeup on As'hab e Hussain recited by Ameer Hasan Aamir
وقت آخر حر کے جو بیٹے نے دی صدا
دوڑے حسین حر سے بھی پہلے بصد بکا
جس دم جوان لاش اٹھانے کو حر بڑھا
کاندھے پہ رکھ کے ہاتھ یہ شبیر نے کہا
اے حر ہٹو جوان کا لاشہ نہ اٹھاؤ
ہم لے کے لاش آتے ہیں تم خیمے میں جاؤ
اے حر ہٹو جوان کا۔۔۔
اندھیر یہ کیا دشت میں تم کرتے ہو بھائی
کب کس نے جواں بیٹے کی میت ہے اٹھای
بس پیار کرو بیٹے کو سینے سے لگاؤ
اے حر ہٹو جوان کا۔۔۔
دم توڑ گیا سامنے نظروں کے جواں لال
تیرے دل ملول کا ہم کو پتہ ہے حال
منہ سے نہ کہو درد جگر لاکھ چھپاؤ
اے حر ہٹو جوان کا۔۔۔
ہوتا ہے جواں لال ضعیفی کا سہارا
اس لال کے مر جانے نے ہم سب کو ہے مارا
پرسے کے لئے آتے ہیں ہم فرش بچھاؤ
اے حر ہٹو جوان کا۔۔۔
میں خوب جانتا ہوں جگر چاک چاک ہے
اب تیری زندگانی دنیا پہ خاک ہے
مت بین کرو لاشے پہ مت خاک اڑاؤ
اے حر ہٹو جوان کا۔۔۔
اپنا شریک غم مجھے سمجھو اے پر ملال
نصرت کے لئے آیا ہے یہ فاطمہ کا لال
پھر کیا مجال بیٹے کی تم لاش اٹھاؤ
اے حر ہٹو جوان کا۔۔۔
لاشہ جوان بیٹے کا کیسے اٹھاؤ گے
مجھکو خبر ہے دیر تلک جی نہ پاؤ گے
مقتل میں کھڑے ہوکے نہ یوں آشک بہاؤ
اے حر ہٹو جوان کا۔۔۔
مقتل کا کچھ ہی دیر میں منظر بدل گیا
اک باپ پھر جوان کے لاشے پہ ہے کھڑا
اور بے بسی یہ کہتی رہی آشک بہاؤ
اے حر ہٹو جوان کا۔۔۔
حر کے جوان بیٹے کو شہ نے اٹھایا تھا
اکبر کی لاش کون اٹھاے گا اے خدا
اے شاہ نجف شہ کی مدد کرنے کو آؤ
اے حر ہٹو جوان کا۔۔۔
عینی کلیجہ دیکھنے والوں کا پھٹ گیا
عامر ضعیف باپ نے لاشہ اٹھا لیا
کہتا رہا جو حر سے کہ نہ لاش اٹھاؤ
اے حر ہٹو جوان کا۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.