Zainab galay ko
Noha Lyrics & Urdu Writeup on Ashoor recited by Mir Hasan Mir
رخصت کو آئے خیمے میں جب شاہ کربلا
تو بنت علی نے جوڑ کے ہاتھوں کو دی صدا
زینب گلے کو چوم لے بھیا تو جائیے
سو جائے تھوڑی دیر سکینہ تو جائیے
اماں کہیں گی دیکھ لے چہرہ لہو بھرا
زینب نے کیا خیال نہیں رکھا بھائی کا
چادر سے صاف کرلوں جو چہرہ تو جائیے
سو جائے تھوڑی دیر۔۔۔
زینب گلے کو۔۔۔
زینب غریب ہو گئی کچھ بھی نہیں بچا
لاشہ اٹھا کے عون و محمد کے میں ذرا
اک بار پھر اتار لوں صدقہ تو جائیے
سو جائے تھوڑی دیر۔۔۔
زینب گلے کو۔۔۔
جانے نہ دیتی برچھیوں والوں میں، میں کبھی
وہ ماں ہے اور کنیز ہوں بھیا میں آپ کی
رن میں بلا رہی ہے جو زہرا تو جائیے
سو جائے تھوڑی دیر۔۔۔
زینب گلے کو۔۔۔
روکوں گی پھر نہ آپ کو وعدہ رہا میرا
نزدیک ہے یہاں سے نجف شاہ کربلا
آ جائے میرے پاس جو بابا تو جائیے
سو جائے تھوڑی دیر۔۔۔
زینب گلے کو۔۔۔
لگتا ہے رن میں آپ کا کرتا ہے انتظار
لہرا رہا ہے ہاتھ میں خنجر وہ بار بار
بھیا بدل لے شمر ارادہ تو جائیے
سو جائے تھوڑی دیر۔۔۔
زینب گلے کو۔۔۔
کرنی ہے جنگ آخری بھیا بہن نثار
خوں بہہ رہا ہے کیسے چلاینگے ذوالفقار
بازو کا زخم باندھ دے بہنا تو جائیے
سو جائے تھوڑی دیر۔۔۔
زینب گلے کو۔۔۔
زنداں میں ہم جو قبر سکینہ بنائیں گے
کیا آپ لے کے غازی کو اس وقت آئینگے
کر لیجیےء بہن سے یہ وعدہ تو جائیے
سو جائے تھوڑی دیر۔۔۔
زینب گلے کو۔۔۔
کیسے بیاں ہو میر تکلم وہ بیکسی
یہ کہکے بنت فاطمہ خاموش ہو گئی
وعدے میں دیر ہوتی ہے اچھا تو جائیے
سو جائے تھوڑی دیر۔۔۔
زینب گلے کو۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.